بوومەلەرزەیەكی بەهێز شارێكی باكووری كوردستانی هەژاند و تائێستاش ئاماری زیانە گیانی و داراییەكان بڵاونەكراوەتەوە.
سەرۆكایەتیی بەڕێوەبردنی كارەسات و دۆخە لەناكاوەكان لە توركیا (ئافاد) لە راگەیەندراوێكدا بڵاویكردەوە، "ئەمڕۆ سێشەممە بوومەلەرزەیەك بە گوڕی ٤.١ پلە بەپێوەری رێختەر، پارێزگای خەرپێت-ی هەژاند".
ئاماژە بەوەشكراوە، چەقی بوومەلەرزەكە، شارۆچكەی سیڤریجە بووە، كە لە قوڵایی نزیكەی پێنج كیلۆمەتر لە توێكڵی زەوی روویداوە.
تائێستا هیچ زانیارییەك لەبارەی زیانە گیانی و داراییەكانی بوومەلەرزەكە ئاشكرا نەكراوە.