لە قەزای سۆران پیاوێك بە تۆمەتی خەڵەتاندن و هەڕەشەكردن لە 300 ژن دەستگیركراوە.
شەماڵ دێواری، وتەبێژی پۆلیسی سۆران بە (ئێن ئاڕ تی) راگەیاندووە، ئەو تۆمەتبارە لە شاری هەولێر فەرمانی دەستگیر كردنی هەبووە و لە یەكەم رۆژی جەژندا لە سۆران دەستگیر كراوە.
بەپیی زانیارییەكانی ئێن ئاڕ تی "ئەو كەسە خاوەنی پەیجێكی ئاینی بووە و داوای ڤیدیۆ و وێنەی لە ٣٠٠ ژن كردووە و دواتر هەڕەشەی بڵاوكردنەوەی وێنەو ڤیدیۆكانی لێكردوون، مەبەستی لە وەرگرتنی ئەو وێنە و ڤیدیۆییانە ویستوویەتی باندێكی كاری نەشیاو دروست بكات".