ئەندامێکی ئەنجوومەنی نوێنەرانی عێراق لە فراکسیۆنی یەکێتی نیشتیمانی کوردستان ڕایدەگەیەنێت" لە غیابی پەرلەمانی کوردستان، ئەرکی ئێمەیە چاودێری کاری دامەزراوەکانی حکومەت بکەین".
ئاسۆ فەرەیدون ئەندامی پەرلەمانی عێراق لە فراکسیۆنی یەکێتی و پارێزگاری پێشووی سلێمانی، لە پەیجی تایبەتی خۆی لە تۆڕی کۆمەڵایەتی فەیسبووک نوسراوێکی بڵاوکردووەتەوە کە ئاڕاستەی سامان بەرزنجی وەزیری تەندروستی حکومەتی هەرێمی کوردستان (ماوە بۆدرێژکراوەی) کردووە و تێیدا داوای وەڵامی چەند پرسیارێک دەکات و دەشڵێت" لەناو ئەو بازنە داخراوەی هەموو شتێکمانی گەیاندووە بە بنەبەست، تەنیا دەرگایەک کە بە دەرچەی بزانین ڕووبەری پەرلەمانی عێراقە لە بەغداد".
ئاماژەی بەوەشکردووە" بۆیە ئەرکمانە لێرەوە ئەو بۆشاییە تەشریعی و ڕەقابیەی هەرێمی پێ پڕبکەینەوە، دەستپێکمان لە کەرتی تەندروستیەوەیە".