ئاماری قوربانیانی بوومەلەرزەکەی دوێنێی ئەفغانستان بەردەوامە لە بەرزبوونەوە کە تائێستا زیاتر لە دوو هەزار کەس بوونەتە قوربانی.
بەپێی هەواڵێکی ئاژانسى فرانس پرێس، بەهۆى بومەلەرزەکەى دوێنێی ئەفغانستان دوو هەزار و ٥٣ کەس گیانیان لەدەستداوە و نزیکەى ١٠ هەزار کەسیش برینداربوون، هەروەها زیاتر لە هەزار و ٣٠٠ ماڵیش بە تەواوەتى تەختى زەوى بوون و داڕوخاون.
ئاماژەی بەوەشکردووە، سەدان کەس کەوتونەتە ژێر داروپەردوى خانووە روخاوەکان و تائێستاش بێسەروشوێنن.
دوێنێ شەممە بوومەلەرزەیەکی بەهێز لە باکووری رۆژئاوای پارێزگای هیراتی ئەفغانستان بە گوڕی (٦.٣) پلەی ڕێختەر ڕوویدا.