ئاسایشی هەرێم رایگەیاند کە ئەو مامۆستا ناڕازییانەی دەستگیرکرابوون ئازاد کران.
لە لێدوانێکی رۆژنامەوانیدا، عەقید سەلام، لێپرسراوی راگەیاندنی ئاسایشی هەرێم رایگەیاند " لەسەر داوای بەرپرسانی پەروەردە ژمارەیەك لەو مامۆستایانە دەوامیان نەكردووە و بانگهێشتی ئاسایش كرابوون و هیچ كێشەیەكیان نەبووە و تەنها گفتوگۆیان لەگەڵدا كراوە".
لە درێژەی لێدوانەکەیدا لێپرسراوی راگەیاندنی ئاسایش هەرێم دەشڵێت " لە ئێستادا ئەو مامۆستایانەی ئەمڕۆ بانگهێشتی ئاسایش كرابوون، هەموویان گەڕانەوە ماڵی خۆیان كە ژمارەیان نزیكەی ١٢ مامۆستا بووە".
ماوەی سێ مانگە بەهۆی دواکەوتنی مووچەکانیانەوە زۆرینەی مامۆستایان دەستیان بە بایکۆت و خۆپیشاندان کردووەو خوێندن راوەستاوە.