لەگەڵ هاتنی وەرزی بەهار و گۆڕانی كەشوهەوا ژمارەیەكی زۆری هاووڵاتیان تووشی پەتا بوون و بەڕێوەبەری گشتی تەندروستی سلێمانی دەڵێت" پەتاكە وەرزییە و لە چەند ڤایرۆسێك پێكهاتووە، كە بەشی زۆری ڤایرۆسی كۆرۆنایە".
د. سەباح هەورامی، بەڕێوەبەری گشتی تەندروستی سلێمانی ڕایگەیاندووە" ئەم پەتایەی ئێستا لەناو خەڵکدا بڵاوبۆتەوە، کۆرۆنا نییە پەتای وەرزییە، بەڵام ڤایرۆسەکەی بەشێکی زۆری کۆرۆنا و چەند ڤایرۆسێکی دیکەیە".
سەبارەت بە نەخۆشی کۆلێرا، وتی" ئەم پەتایە پێویستی بە رێگرییە لە بڵاوبونەوەی و دەبێت لەگەڵ هاتنی وەرزی گەرما فەرمانگە پەیوەندیدارەکان رێگریی لە بڵاوبونەوەی بکەن".