حكومەتی توركیا لە فەرمانێكدا بە ئیمزای وەزیری ناوخۆی ئەو وڵاتە، فەرمان بە سوپای توركیا دەكات گۆڕستانەكانی شەهیدانی پەكەكە بۆردومان بكەن‌و لەناویان ببەن.

بەپێی فەرمانێک کە وەک گرنگ و نهێنی دەرکراوە و واژۆی وەزیری ناوخۆی تورکیا (سەباحەدین ئۆزتورک) ی لەسەرە، نێردراوە بۆ هەرێمەکانی باکوری کوردستان و تیایدا فەرمانیان پێدراون کە ١٤ گۆڕستانی گەریلاکان لەناوببەن، بیانتەقێننەوە و نەیانهێڵن.

لە بەڵگەکەدا هاتووە، پێویستە ئۆپەراسیۆن بکرێتە سەر گۆڕستانەکان و هەموو هێماکانی ڕێکخراوی تیرۆریستی و لەناویان بەرن و هەموو زانیاریەکیش بدەنە سەرفەرمانداری گشتی جەندرمە.

دەوترێت تێکدانی گۆڕستانی شەهیدانی گەریلا بەبەهانەی ئەوەی گوایە مین لەدەوروبەریان چێندراوە، دەبێت کە ڕێ لەبەر تەقینەوە و هەڵچوونی گەل لەناوچەکەدا بکاتەوە و زیانێکی زۆریش بگەیەنێتە هێزە سەربازیەکان.

بەپێی هەواڵێكی رۆژنیوز، لەبەرامبەردا پارتی گەلی کۆماری (جەهەپە) ی ئۆپۆزسیۆن ئەو بابەتەی بردوەتە پەرلەمانی تورکیا. پەرلەمانتاری جەهەپەی شاری ئەنتاڵیا (نیازی نەفی کارا) لەسەر ناردنی ئەو فەرمانەی وەزیری ناوخۆیی حکومەتەکەی ئاکەپە بۆ والیەتی شارەکانی (ئاگری، بەتلیس، ئامەد، مێردین، سێرت، شڕناخ و دێرسیم) بەمەبەستی تێدانی گۆڕستانی شەهیدان وەک سەرهەڵدانی قۆناغێکی کابووس ناولێدەبات.