ئەندامێکی سەرکردایەتی یەکێتی نیشتمانی کوردستان رایدەگەیەنێت" حوکمڕانی بە پارتی‌‌و یەکێتی دەکرێت".
(ڕەهبەری سەید ئیبراهیم) بەرپرسی مەڵبەندی یەکێتیی نیشتمانی کوردستان لە کۆیە و ئەندامی سەرکردایەتیی ئەو حزبە، بۆ ماڵپەڕی فەرمیی پارتی دیموکراتی کوردستان وتی "رێککەوتنی پارتی و یەکێتی زۆر گرینگە، چونکە حوکمڕانی بە پارتی و یەکێتی دەکرێت، بەڵام گرینگە گفتوگۆیش لەگەڵ بزووتنەوەی گۆڕان بکرێت".
لە درێژەی لێدوانەکەیدا وتیشی "گرینگە لە قۆناغی داهاتوو هەموو لایەنەکان بەرپرسیاره‌تیی دۆخەکە و پەیامەکەی (بارزانی) لە ئەستۆ بگرن و دیراسەی بکەن، لە نزیکەوە کۆبوونەوە بکرێت، چونکە گرفتەمان ئەوەیە یەکگرتوو نین".
ڕەهبەری سەید ئیبراهیم، وتیشی "چاوەڕوانین دوای هاتنەوەی (بارزانی) کۆبوونەوەی یەکێتیی و پارتی بکرێت و، گەشبینین کە هەوڵەکانی (بارزانی) بۆ لێكتێگەیشتن و کۆ بوونەوە، کوردستان بەرەو ئۆقره‌یی سیاسی ببات".