په‌روه‌رده‌ی سه‌یدسادق ڕایگەیاند كه‌ رۆژی یه‌كشه‌ممه‌ پاره‌ی وانه‌بێژی مانگی سێ و چاودێری هۆڵه‌كانی تاقیكردنه‌وه‌كانی كۆتایی وه‌رزی یه‌كه‌م خه‌رج ده‌كرێت.

له‌ راگه‌یه‌نراوێكی په‌روه‌رده‌ی سه‌یدسادقدا هاتووه‌ "دوای هه‌وڵی په‌روه‌رده‌ی سه‌یدسادق له‌گه‌ڵ گه‌نجینه‌ی یه‌كی سلێمانی، ره‌زامه‌ندیمان وه‌رگرت به‌ خه‌رجكردنی پاره‌وانه‌بێژی مانگی سێ و چاودێری هۆڵه‌كانی تاقیكردنه‌وه‌ی كۆتایی وه‌رزی یه‌كه‌می مامۆستایانی سنووری په‌روه‌رده‌كه‌مان".

په‌روه‌رده‌ی سه‌یدسادق ڕوونیشی کردووەتەوە "ئاگاداری ئه‌و به‌ڕێوه‌به‌رانه‌ ده‌كه‌ینه‌وه‌ كه‌ ناویان له‌ لیسته‌كه‌دا هاتووه‌، رۆژی یه‌كشه‌ممه‌ (13-8-2017) سه‌ردانی هۆبه‌ی ژمێریاری په‌روه‌رده‌كه‌مان بكه‌ن به‌مه‌به‌ستی وه‌رگرتنی پاره‌ی وانه‌بێژی مانگی 3 و چاودێری هۆڵه‌كانی تاقیكردنه‌وه‌كانی وه‌رزی یه‌كه‌می مامۆستایان".

لە بەشێکی دیکەی ڕاگەیەندراوەکەدا هاتووە "پێویسته‌ به‌ڕێوه‌به‌ره‌كان خۆیان پاره‌ی وانه‌بێژی مامۆستاكانیان وه‌ربگرن جگه‌ له‌ به‌ڕێوه‌به‌ره‌كان، به‌ مامۆستایان نادرێت".