بەیانی ئەمڕۆ فرۆکە جەنگییەکانی تورکیا جەند شوێنێکیان لە بناری قەندیل بۆردوومانکرد و زیانێکی زۆری بە ناوچەکە گەیاند و ترس و دڵەراوکێی لە نێو خەڵک دروستکرد.

ئەمڕۆ دوای کاتژمێر ٩ بۆردومانەکە دەستیپێکرد و لەسەرەتادا گوندی تەورە بۆردوومانکرا، دواتر چەند گوندێکی دیکەش کەوتنە بەر بۆردومانەکە.

بە وتەی شایەتحاڵەکان پاش بۆردومانی ئەو گوندە فڕۆکە جەنگییەکان گوندەکانی بایەوان و شاخی شەهێنیان بۆردوومانکردووە و ترسیان خستۆتە لە دڵی دانیشتوانی ناوچەکە .

لەلایەکی دیکەوە لەلایەکی دیکەوە فەرزند ئەحمەد، بەڕێوەبەری ناحیەی حاجی ئۆمەران بە کەناڵی ئێن ئاڕتی ڕاگەیاند "لەبەیانیەوە تۆپخانەکانی  سوپای پاسداران ماوە ماوە تۆپبارانی کوێستانەکانی دامێن چیای هەڵگۆرد دەکەن، لەئێستاشدا تۆپبارانەکە وەستاوە".