وتەبێژی یەکێتی نیشتمانی کوردستان شوێنی ناشتنی سکرتێری گشتی یەکێتی نیشتمانی کوردستانی راگەیاند.
سەعدی ئەحمەد پیرە وتەبێژی مەكتەبی سیاسی یەكێتی، رایگەیاند:" رۆژی هەینی تەرمی سەرۆك مام جەلال لە ئەڵمانیاوە راستەوخۆ دەگاتەوە سلێمانی و لەنزیك ماڵی خۆی لە دەباشان بەخاك دەسپێردرێت".
سەعدی پیرە، لە كۆنفرانسێكی رۆژنامەوانیدا، وتیشی" رۆژی شەممە 7ی تشرینی یەكەمی 2017، بەفەرمی مەراسیمی ماتەمینی بۆ كۆچی دوایی سەرۆك مام جەلال دەستپێدەكات و هەموو شارەكانی هەرێمی كوردستان دەگرێتەوە".
پیشتر دەنگۆی ئەوە هەبوو کە تاڵەبانی لەسەر داوای خۆی وەسێتی کردووە لە چیای کۆساران لە کۆیە بنێژرێت.