لەسەر ئەو هێرشانەی د. لەتیف رەشید راوێژکاری فواد مەعسود کردبوویە سەر مەسعود بارزانی و بەرپرسانی حکومەتی هەرێم، سەرۆک کۆماری عێراق روونکردنەوە دەدات و دەڵێ" ئەوە رای خۆیەتی ".
له به‌یاننامه‌ی نووسینگه‌ی سه‌ركۆماردا هاتووه "ئه‌م لێدوانه‌ی دوێنێ عه‌بدوله‌تیف ره‌شید بۆ رۆژنامه‌ی سه‌باح ئه‌لجه‌دیدی داوە، رای تایبه‌تی خۆیه‌تی، هیچ په‌یوه‌ندیه‌كی به هه‌ڵوێستی فه‌رمی و رای سه‌ركۆماره‌وه نییه".
سەرۆكایەتی كۆمار دووپاتی كردووەتەوە ئەوان سه‌رجه‌م را و هه‌ڵوێسته‌كانی سه‌رۆكایه‌تی كۆمار له ماڵپەڕی ئه‌لیكترۆنی سه‌ركۆمار و لێدوانه‌كانی سه‌رۆكی كۆمار بۆ ده‌زگا میدیاكانه‌وه بڵاوده‌كرێنه‌وه".
دوێنێ عه‌بدوله‌تیف ره‌شید راوێژكاری سه‌ركۆماری عێراق، لە رۆژنامه‌ی "سه‌باح ئه‌لجه‌دید" هێرشی كردبووە سەر مەسعود بارزانی و بەرپرسانی حكوومەتی هەرێمی كوردستان و رایگه‌یاندبوو كە حكومه‌تی هه‌رێم نوێنه‌رایه‌تی خه‌ڵكی كوردستان ناكات، هەروەها گوتبووی سەرۆك مه‌سعود بارزانی تا ئێستا كاروباره‌كانی هه‌رێم به‌ڕێوه ده‌بات.