تیما تەپاپێ یا یانا گارە نەشیا ئەنجامێ سەرکەفتنا خوە پارێزیت پشتی د خولەکێن دوماھیێ د ایان ئاکرێ شیایی گۆلا وەکھەڤیێ تۆماربکەت، د یاریا واندا ئەوا ئەڤرۆ ژ چوارچووڤێ ھەڤرکیێن گەرا سیێ ژ کۆما ئێکێ یا خولا کوردستانێ یا تەپاپێ بۆ یانێن پلا ئێک ل یاریگەھا یانا گارە ھاتیە کرن.
ھەرچەندە دەستپێکا یاریێ یاریزانێن گارە شیان ئاستەکێ باش نیشان بدەن و گۆلا ئێکێ د خولەکا ١٢ دا تۆماربکەن ئەوا ژلایێ کاپتنێ تیمێ ئۆمێد ئەحمەد ب فاولەکا ئێکسەر ب سەرکەڤتیانە شۆت کریە گۆلێ، د ماوێ مایی یێ نیڤا ئێکێ دا ھەردو تیمان بزاڤێن باش دکرن تایبەت یاریزانێن گارە ئەوێن بەردەوام ھێرش لسەر گۆلا ئاکرێ کرین لێ بێی ئەنجام بوون، نیڤا ئێکێ ب گۆلەکێ بدوماھی ھات.
د نیڤا دوێ دا ئاستێ یاریێ بھێزتر لێھات و یاریزانێن یانا ئاکرێ گڤاشتنێن مەزن کرن و دەرئەنجامێ گڤاشتنان شیان مفایی ژ پەنەلتیەکێ بینن و گۆلا وەکھەڤیێ دخولەکا ٥٠ێ دا تۆماربکەت، پشتی ڤێ گۆلێ یاریزانێن گارە لسەر ھێرشێن خوە نە راوەستیان ھەرچەندە ھێلا بەرەڤانیا ئاکرێ رێگرییا گەلەک ھێرشێن گارە دکرن لێ دەرئەنجامێ گڤاشتنا یانا گارە شیا گۆلا دوێ و پێشکەڤتنێ د خولەکا ٧٣ێ دا ژلایێ یاریزانێ خوە سیابەند عەگید تۆماربکەت، پشتی ڤێ گۆلێ ئاست بھێزتر لێھات ودەرئەنجامێن یاریا زڤر چەندین فاول و کارتێن زەر ھاتنە لێدان، یاری بەرەڤ دوماھیێ د چوو و بۆچوون بۆ ھندێ د ھەبوونش کو یاری دێ ب سەرکەفتنا گارە بدوماھی ھێت، لێ یاریزانێ ئاکرێ ئەیاد سادق بۆچوونەکا جیواز ھەبوو و شیان د دەمێ زێدەکری یێ یاریێ دا و خولەکا ٩٠+٤ دربەکی ل تیما گارە بدەت و خالەکا زێرین بۆ تیما خوە بدەستڤەبینت و گۆلا دوێ و وەکھەڤیێ تۆمارکر، یاری ب ٢-٢ وەکھەڤی ب دوماھی ھات.
ژ ئەنجامێن دی د ھەمان کۆم دا کۆیە ٤ – ١ ھەلۆ، کۆما دوێ: ھەلەبجە ٢ – ٠ ئاشتی، دەربەندیخان ١ – ١ کفری، پێشمەرگەیا سلێمانی ٢ – ١ شەھیدان.
بڤان ئەنجامان تیما یانا دھۆکێ پێشڤە ھاتە سەرێ لیستا کۆما ئێکێ ب حەفت خالان، کۆیە ھاتە رێزا دوێ ب شەش خالان، سۆران پاشڤە چوو رێزا سیێ ب چار خالان، ھەرسێ یانێن گارە، ھەلۆ و ئاکرێ ب دو خالان لرێزێن چارێ و پێنچێ و شەشێ لدووڤ ئێک دھێن.

spee-kfa