نیوەرۆی ئەمڕۆ سێشەممە 20ی شوبات هاوڵاتییەكی كورد لە كەركوك رفێندرا، پۆلیس دەڵێت "رفێندراوەكە برای ژنە پەرلەمانتارێكی كوردە".
پۆلیسی كەركوك ڕایگەیاند "ئەو هاوڵاتییەی رفێندراوە ناوی محەمەد زەنگەنەیە و برای ئەمیرە كەریم، ژنە پەرلەمانتاری پارتی دیموكراتی كوردستان لەبەغدا".
ئەو هاوڵاتیە لەشەقامی قودس لەگەڕەكی رێگای بەغدا لەلایەن ژمارەیەك چەكداری نەناسراوەوە ڕفیندراوە و بەگوێرەی زانیاریەكان دواتر چەكدارەكان لەرێگەی دوو ئۆتۆمبێلەوە بەرەو شوێنێكی نەناسراو هەڵاتوون لە جۆرەكانی توێتا دەبڵ قەمەرەی جۆری مەرزی ژمارە كاتی دهۆك و توێتا كامری رەنگی سپی.