لەهەولێر لەنێو ئۆتۆمبێلێكەوە دەستڕێژی گوللـە لەئەفسەرێكی پێشمەرگە كراو كوژرا.
رائید هۆگر عەزیز وتەبێژی پۆلیسی پارێزگای هەولێر لە لێدوانێکی رۆژنامەوانیدا رایگەیاند " لەشوقەكانی هانا سیتی لەشاری هەولێر سەعات 7:20 دەقیقەی ئێوارەی ئەمڕۆ 29ی حوزەیرانی 2018، لەنێو ئۆتۆمبێلێكی جۆری لاندكرۆزەری رەنگی سپییەوە دەستڕێژی گوللـە لە كەسێك كراوەو كوژراوە، هەروەها دوو كەسی دیكەش بریندار بوون".
وتەبێژی پۆلیسی پارێزگای هەولێر وتیشی " كوژراوەكە ناوی (ا.ا.ع)ەو ئەفسەری پێشمەرگەیەو پلەكەی نەقیبەو روداوەكەش بەهۆی كێشەیەكی كۆمەڵایەتییەوە رویداوەو تەرمی كوژراوەكەش رەوانەی پزیشكی دادوەری هەولێر كراوەو تیمەكانی پۆلیسی نەهێشتنی تاوانیش لێكۆڵینەوەكانیان لەبارەی رووداوەكە دەستپێكردوە".