یهكێتی نیشتیمانی كوردستان، سبهی
پێنجشهممه لهیاریگای سیروانی نوێ لهشاری سلێمانی ئاههنگی كۆتایی بانگهشهی
لیستی 105ی دهگێڕێت.
سهمیر ههورامی لە پێگەی تایبەتی خۆی لە
فەیسبووک نوسیویەتی "رۆژی
پێنج شەممە ۲۷ی ۹ لە
شاری سلێمانی لە یاریگای سیروانی نوێ کاتژمێر ٥ی ئێوارە، یەکێتیی نیشتمانیی
کوردستان بە بەشداریی هەڤاڵ قوباد تاڵەبانی کاندیدی ژمارە ۱ لە لیستی ژمارە ۱٠٥ی
یەکێتی، ئاهەنگی کۆتایی بانگەشەی هەڵبژاردنی پەرلەمانی کوردستان بۆ خولی پێنجەم
ڕێکدەخات."
ڕاشیگەیاندووە "هەر وەک چۆن لە
سەرەتاوە جەختمان لەوە کردەوە کە هەڵمەتێکی مەدەنیی دیموکراتییانە سەرپێ دەخەین و
پابەند دەبین بە ڕێنماییەکانی (کۆمسیۆنی باڵای سەربەخۆی هەڵبژاردن وڕاپرسی)،
هەر بەو شێوەیەیش کۆتایی بە هەڵمەتی بانگەشەکەمان دەهێنین. بەو پێیەی یەکێتی
نیشتیمانیی کوردستان بڕوای تەواوەتیی بە فرەیی سیاسی هەیە و شێلگیرانە بەرگریی
لێکردووە، بۆیە خۆی بە بەرپرسیار دەزانێت لە پاراستنی ئەو کەشوهەوا دیموکراتییە."
سەمیر هەورامی وتەبێژی هەڵمەتی
قوباد تاڵەبانی ڕاشیدەگەیەنێت داواش لە هەڤاڵان وئەندامان
و لایەنگرانی یەکێتیی نیشتمانیی کوردستان دەکەین، وەکو چۆن لە ماوەی بانگەشەدا
بەگەرموگوڕییەوە لەگەڵ یەكێتی و هەڤاڵ قوباد تاڵەبانیدا بوون، ئاواش سبەینێ بە
هەمان گەرموگوڕییەوە بەشداریی بکەن و بۆ هەموو لایەکی بسەلمێنن کە هەمووان لەگەڵ
یەکێتیدان."