بەڕێوەبەرایەتی پۆلیسی پارێزگای سلێمانی لە ڕاگەیەندراوێكدا كەوێنەیەكی بۆ "سپی" نێردراوە ڕایگەیاندووە "لەدرێژەی كارو چالاكییەكانی هێزەكانی پۆلیسی پارێزگای سلێمانی بۆدەستگیركردنی تۆمەتباران و ئەو كەسانەی كە لەدادگاوە فەرمانی گرتنیان هەیە ،هەریەكە لە هێزەكانی بەشی پۆلیسی پێنجوێن و بنكەی پۆلیسی ئەزمەڕ 30 تۆمەتبار دەستگیردەكەن" .

ئاماژەی بەوەشكرد: لەماوەی 10 ڕۆژی ڕابردوودا هێزەكانی بنكەی پۆلیسی ئەزمەڕ 21 تۆمەتباریان دەستگیركرد كە فەرمانی گرتنیان هەبووە بەپێی ماددەكانی :

- 405-31 ، تۆمەتبار (م ، ح ،ع ) لەدایكبووی 1984 تەقەكەی لە هاوڵاتییەك كردووەو برینداری كردووە و لە لایەن هێزەكانی پۆلیسەوە دەستگیركراوە .

- دوو تۆمەتباری تر دەستگیركراون كە هەستاون بەسوتاندنی سەیارە و بەپێی ماددەی 342 لەیاسای سزادانی عیراقی ڕاگیراون .

-تۆمەتبارێكی تر دەستگیركراوە بەپێی ماددەی 412 لەیاسای سزادانی عیراقی .

- شەش تۆمەتبار دەستگیركراون بەپێی ماددەی 413 لەیاسای سزادانی عیراقی .

- یانزە تۆمەتباری تر دەستگیركران بەپێی چەند ماددەیەكی جۆراوجۆر لەیاسای سزادانی عیراقی .

هەروەها ڕۆژی 26-2-2019 ،هێزەكانی بەشی پۆلیسی پێنجوێن 9 تۆمەتباریان دەستگیركرد بەپێی ماددەكانی 413 و 446 و چەند ماددەیەك لەیاسای سزادانی عیراقی .