کەشناسی عێراق: رەشەباو خۆڵبارین روو لە هەرێم دەکات

کەشةاسی عێراق رایگەیاند، کە شەپۆلێکی باران و رەشەباو خۆڵبارین روو لە ناوچەکانی عێراق و هەرێم دەکات، ماوەی دوو رۆژیش دەخایەنێت.

دەستەی كه‌شناسی عێراق بلاویکردەوە  رۆژی پێنجشه‌ممه‌ و هه‌ینی ئەم هەفتەییە ئاسمانی عێراق هه‌ور ده‌بێت و له‌ هه‌ندێك كات و هه‌ندێك ناوچه‌ باران ده‌بارێت و ئه‌گه‌ری خۆڵبارین لە ئارادایە.

دەشلێت كه‌شوهه‌وای ناوچه‌كانی ناوه‌ڕاست و باشووری عێراق په‌ڵه‌هه‌ور و هه‌ندێ جار هه‌وری ته‌واو ده‌بێت و ده‌بێته‌ بارانبارین، له‌ هه‌ندێك ناوچه‌ش له‌ماوه‌ى ئه‌م دوو رۆژه‌دا خۆڵبارین ده‌ستپێده‌كات.

كه‌شناسی عێراق لەبارەی هەرێمی کوردستان ئاماژەی بەوەشکردووە، له‌ناوچه‌كانی باكوری عێراق نمه‌ باران ده‌بارێت له‌گه‌ڵ بوونی ره‌شه‌با و هه‌وره‌ بروسكه‌، پله‌کانی گه‌رماش روو لە دابەزین دەکات.

ئه‌م بابه‌ته ‌4656 جار خوێنراوه‌ته‌وه‌‌

AM:12:05:15/03/2019