جێگری سەرۆکی شارەوانی سلێمانی ڕایگەیاند" سەرۆکایەتی شارەوانی سلێمانی رێکارەکانی تاپۆکردنی خانووی سنوری گوندەکان دەستپێدەکات، ئەو لیژنانەی پێکھێنراون سەرەتا رەگەزی زەوییەکە دەگۆڕن کە خانووەکانی لەسەر دروستکراوە".
ئەمڕۆ هەینی ٢٠ ی ئەیلولی ٢٠١٩ ئاکۆ عەلی، جێگری سەرۆکی شارەوانی سلێمانی ڕایدەگەیەنێت، لیژنەکان لەشارەوانییەکانی (رۆژھەڵات، رۆژئاوا، راپەڕین و تاسڵوجە) پێکهاتوون، ھەنگاوی یەکەمی لیژنەکان ئەوەیە کە ئەو زەوییانەی خانووی گوندەکانی لەسەر کراوە، لەزەوی کشتوکاڵییەوە بکات بەزەوی نیشتەجێبوون و بیخاتەسەر شارەوانی.
جێگری سەرۆکی شارەوانی ڕاشیگەیاند"دروستکردنی نەخشەی گوندەکان و فۆرم بۆ خانووەکان کارئاسانی دەبێت بۆ پرۆسەکە، بەڵام رێکاری دیکەشی پێویستە کە ئەمەش وادەکات پرۆسەکە ئاسان نەبێت، بەڵام لە دوای تەوابوون ھەنگاوەکان، فەرمانی ئەنجومەنی شارەوانی و بەڕێوەبەرایەتی نەخشەسازی دەردەچێت و لەڕۆژنامە راگەیاندنی بۆ دەکرێت و خانووەکان تاپۆدەکرێن و پێویست بەبڕیاری ئەنجومەنی وەزیران ناکات، چونکە فەرمانی ئەنجومەنی وەزیران ھەیە بۆ تاپۆکردنیان".