چەرەساتێک بەهۆی "فێڵکردن" لە هاوڵاتیان داخرا

‌
لەسەر زانیاری ئاسایش و بەهۆی بەكارهێنانی نیشاستەوە کە بە فێڵکردن هەژمار دەکرێت لیژنە هاوبەشەكانی قائیمقامیەتی سلێمانی فڕنی چەرەساتی مامەیارە دادەخات.

قائیمقامیەتی سلێمانی لە راگەیەندراوێكدا ئاشكرایكردوە، لەلایەن بەڕێوەبەرایەتی ئاسایشی سلێمانیەوە زانیاری دراوە بە لیژنە هاوبەشەكان كە فڕنی برژاندنی چەرەساتی مامەیارە لەكاتی ئامادەكردنی چەرەسەكانیدا نیشاستە بەكاردەهێنێت، كە لەروی تەندروستییەوە زیان بە هاوڵاتیان دەگەیەنێت و لەروی یاساوە بە فێڵی بازرگانی ئەژمار دەكرێت.

قائیمقامیەتی سلێمانی جەختیشكردوەتەوە، نیشاستە مەترسی لەسەر ئەوكەسانە دروستدەكات كە نەخۆشی شەكرەیان هەیە، بەڵام خاوەنی فڕنەكە تەنها بەرژەوەندی خۆی لەبەرچاوگرتووە و لەكاتی ئامادەكردنەكەیدا بەكاریهێناوە.

ئاماژە بەوەشكراوە، بەكارهێنانی نیشاستە بۆ قورسكردنی كێشی چەرەساتەكانی، لەروی بازرگانیەوە بە فێڵ ئەژمار دەكرێت و یاسا سزای بۆ سەرپێچیكاران داناوە، بۆیە بەفەرمانی قائیمقامی سلێمانی و لەلایەن لیژنەی یەكی سەربەلیژنە هاوبەشەكانی قائیمقامیەت فڕنی چەرەساتی مامەیارە دادەخرێت و خاوەنەكەشی روبەروی رێكاری یاسایی دەكرێتەوە.
 


PM:05:26:02/10/2019








ئەستێرەکان

Spee Media