ئێرانیەک بەماددەی هۆشبەرەوە لەبیارە دەستگیر کرا

‌


ئەمڕۆ سێ شەممە ٢٨ی تشرینی یەکەمی ٢٠١٩ بەڕێوەبەرایەتی ئاسایشی شارەزوور لە نووسراوێکدا کە کۆپییەکی دەست مەڵپەڕی "سپی" کەوتووە و تێدا هاتووە: بەگوێرەی ماددەی ١٤ی هۆشبەر تۆمەتبارێکمان بەناوی (ع، ح، ب) دەستگیرکردووە، کە کوردێکی ئێرانیە ماددەی هۆشبەری جۆری شیشەی پێبووە.


لەبەشێکی تری راگەیەنراوەکەی ئاسایشدا هاتووە: له‌سه‌ر بڕیاری  دادوه‌ری لێكۆڵینه‌وه‌ی ئاسایشی شاره‌زوور و به‌ پێی مادده‌ی (14)ی هۆشبەر، هیزه‌كانمان له‌ بنكه‌ی ئاسایشی بیاره‌ سه‌ر به‌ به‌ڕێوه‌به‌رایه‌تی ئاسایشی شاره‌زوور، توانیان تۆمه‌تبارێك به‌ ناوی (ع، ح، ب) كه‌ به‌ڕه‌گه‌ز كوردی ئێرانه‌و له‌ دایك بووی ١٩٩٨ە، له‌ سنووری ناوچه‌ی هه‌ورامان ده‌ست گیر بكه‌ن.


لە راگەیەنراوەکەی بەڕێوەبەرایەتی ئاسایشی شارەزوور ئەوەشخراوەتەڕوو:   دوای پشكنینی شوێنی مانه‌وه‌ی تۆمه‌تبار ، توانرا ده‌ست بگيرێت به‌سه‌ر بڕێك ماده‌ی هۆشبه‌ر له‌ جۆری (شیشه‌) و ژماره‌یه‌ك حه‌بی قه‌ده‌غه‌كراو و سه‌رجه‌م ئه‌و كه‌ل و په‌لانه‌ی بۆ ئه‌و مه‌به‌سته‌ به‌كارهاتووه‌ ، تۆمه‌تباره‌كه‌ ڕوبه‌ڕوی دادگا كراوه‌ته‌وه‌ و لێكۆڵینه‌وه‌ی زیاتریش به‌رده‌وامه‌. 
 


PM:12:45:29/10/2019








ئەستێرەکان

Spee Media