ئەمڕۆ هەینی هاوسەرۆکی شارەوانیی هەدەپە لە ناوچەی سووری دیاربەکر، له‌لایه‌ن هێزه ئه‌منییه‌كانی توركیاوه دەستبەسەر کرا.
بەپێی هەواڵی میدیاکانی تورکیا، فلیز بوڵو تەکین، هاوسەرۆکی شارەوانی هەدەپە لە ناوچەی سووری دیاربەکر بە تۆمەتی بانگه‌شه‌كردن بۆ پارتی كرێكارانی كوردستان په‌كه‌كه لە لایەن هێزە ئەمنییەکانی تورکیاوە دەستگیرکرا، لە شوێنی ئەو قەیوم وەک قایمقامی ئەو شارۆچکانە دانرا.
لە سێ مانگی رابردوو نزیکەی ٣٠ سەرۆک شارەوانی هەدەپە لەلایەن حکوومەتی تورکیا لەکارلابراون و دەستبەسەرکراون و پاشان قەیوم لە شوێنەکانیان داندراوە.