وەزیرى دارایى حکومەتی هەرێم رایگه‌یاند" لەگەڵ بەغدا رێککەوتون کە رۆژانە (٢٥٠) هەزار بەرمیل نەوت رادەست بکەن، بەمەرجى ناردنى سەرجەم شایستە داراییەکانى هەرێم لەلایەن بەغداوە".
ئاوات شێخ جەناب، وەزیرى دارایى و ئابورى حکومەتى هەرێمى کوردستان به‌ماڵپه‌ڕی سبه‌ی حزبه‌كه‌ی رایگەیاندووه" لەگەڵ بەغدا رێككەوتن كراوە رۆژانە بڕی ٢٥٠ هەزار بەرمیل نەوت رادەستی ئەوان بكەین و ئەوانیش مووچەمان بۆبنێرن، هاوکات ماوەى پێنج ساڵە عێراق هیچ بڕە پارەیەکى مووچەى بۆ هەرێم زیاد نەکردووە و تەنها مووچەى (٦٨٢) هەزار مووچەخۆر رەوانەى هەرێم دەکات، لە كاتێكدا لە هەرێمی كوردستان زیاتر لە یەك ملیۆن و ٢٠٠ هەزار فەرمانبەر هەیە".
باسی لەوەشكردووە: بەمزوانە وەفدێكی هەرێمی كوردستان سەردانی بەغدا دەكات لەسە ئەو پرسە.
ئه‌مەش له‌كاتێكدایه، كه چوار مانگ و نیو له‌ساڵی ٢٠٢٠ تێپه‌ڕیووه، به‌ڵام هێشتا حكومه‌تی هه‌رێم موچه‌ی مانگی ١ی ئه‌مساڵی دابه‌ش نه‌كردووه.