بەمەبەستی خۆپارێزی لە ڤایرۆسی كۆرۆنا وەزیری پەروەردە بڕیاریدا پەنجەمۆر لەكاتی تاقیكردنەوەكان لاببات.
ئالان حەمەسەعید وەزیری پەروەردەی هەرێم لە نوسراوێکی وەزاریدا ئاماژەی بەوەکردووە" تەنیا بۆ تاقیکردنەوە گشتییەکانی ساڵی خوێندنی (2019-2020)، قوتابیان و خوێندکارانی قۆناغی 12ی ئامادەیی پەنجەمۆر نەکەن لەسەر پەڕەی سۆما و تەنیا واژۆ بکەن".
لە نوسراوەكەدا ئەوەشخراوەتەرو كە ئەو بڕیارە لە پێناو سەلامەتی قوتابیان و خوێندكاراندا دراوە.
بڕیارە ڕۆژی شەممەی داهاتوو تاقیكردنەوە گشتییەكانی پۆلی 12ی ئامادەیی دەستپێبكات.