تەندروستی کەرکوک گیان لەدەستدانی هەشت تووشبووی تری کۆرۆنای لە پارێزگاکە ڕاگەیاند.
بەڕێوەبەرایەتی گشتی تەندروستی کەرکوک ڕاگەیەندراوێکی نوێی لەبارەی پەتایی کۆرۆنا بڵاوکردەوە و رایگەیاند" لەماوی ٢٤ کاتژمێری رابردوودا ١٤٣ حاڵەتی نوێی توشبوون بە كۆرۆنا و گیانلەدەستدانی هەشت کەس بە كۆرۆنا تۆماركرا".
تا ئێستا كۆی تووشبووەكان لە کەرکوک گەیشتوەتە چوار هەزار و ٣٣٣ حاڵەت و ٢٢٧ حاڵەتی گیان لەدەستدان بە كۆرۆنا لە سنوری پارێزگاکە تۆماركراون، لە ئێستاشدا دوو هەزارو ٤٧٢ هاوڵاتی چاکبونەتەوە، هەزارو ٦٣٤ هاوڵاتیش هەڵگری ڤایرۆسەكەن و لەژێر وەرگرتنی چارەسەردان.