له سەرەتای هەشتاكان لەیەمەنی باكور بوم ، نزیكی روداوه تراژیدیكانی حزبی دەسەڵاتدار بوم ( حزبی سوشیالیستی یەمەنی ) كه یەكێتی سوڤیت پشتگیری لێدەكرد .
بەحوكمی سروشتی حزبەكه كە بەهێزی چەك دەسەڵاتی وەرگرتبو هەروەها كاریگەری خێڵەكی ( قبائل ) له سەری بو ، هەمیشە سەرانی حزبەكه له ململانێی و بەربەرەكانیدا بونە دژ بەیەك . بۆیە پێان نەكرا خزمەت بەمیللەتەكەیان بكەن و ئارامیش بە خەڵك و خۆیان ببەخشن .
لەئەنجامی شه ری ناوخۆو ناكۆكیان و دەست تێوەردانی دەرەكیش هەموو شتێكیان لە دەستدا!!!! تێكۆشەرانی شاخ و خەباتگێرانیش تە فروتون بوون ، هەندیكیان لەگەڵ علی عبدالله صاڵح ڕێكەوتن و هەندێكیان بۆ هەندەران و هەندێكیشیان بە داخەوه چارەنوسیان گەیشته ئاستێك هەروەكو چەتەو ڕێگریان لێهات .
بۆیە ئەوەی ئەمڕۆ لەسەر زەوی كوردستان ئەگوزەرێت لەهاوشێوەی یەمەن دەچێت !!! ئەمە شكستی سەربازی نیه ، به ڵكو ئاش بەتاڵێكی سیاسی دەسەڵاتدارانی هەرێمی كوردستان و ئەو حزبانەن كە لە دیوه خانەكەی سەرۆكی پارتیدا شاباشیان بۆی ئەكرد .
ئەنجومەنی بەناو سەركردایه تی سیاسی حزبەكان نەوەك خوێندنەوەیان هەر نەبوو بەرامبەر به بارودوخی ناوخۆیی كوردستان و ئێران و توركیا و عیراق و دونیایش سه بارەت به (ڕیفراندۆم ) بەڵكو نابینا بوون . بۆیه ئەوان تاوانیان بەرامبەر به عیراق نەكرد بەڵكو گەورەترین تاوانیان كرد بەرامبەر به چارەنوسی نەتەوەی كورد .
كارتێكیاندا بەدەست دوژمنان و ناحەزانی كوردەوه كه بوە هۆیی لەباربردنی رەنچ و خوێنی شەهیدان و ئه نفالكراوەكان و قوربانیانی هەڵەبجەش .
ئه وەی بەپەله بكرێت :
١- سەرۆکی پارتی كورسیەكەی سەرۆکایەتی هەرێم ئازاد بكات .
٢- حکومەت دەستلەکاربکێشنەوە و بڕۆنە ماڵەوە .
٣- ئەگەر بکرێت پەرلەمان بەپەلە بە تێکرای فراکسیۆنەکان کۆببنەوە و حکومەتێکی ئینتیقالی پێکبهێنرێت.
٤- دەست بکرێت بە گفتوگۆکردن لەگەڵ حکومەتی عیراق .
٥- سەرانی ئەو حزبانە کەوا بەشدار بوون لە پێکهێنانی (ئەنجومەنی سەرکردایەتی سیاسی حزبە کوردستانیەکان) دەست هەڵگرن لە سیاسەت کردن ، هەر بە تەنها لە سیاسەت فاشل نەبوون بەڵکو سەروەری خاکی کوردستان و چارەنوسی هاوڵاتیان کەوتە مەترسیەوە .