ئێوارەی ئەمڕۆ سێشەممە ئەوقافی هەرێم یەکەم رۆژی جەژنی ڕەمەزانی دیاریکرد و ڕایدەگەیەنێت" سبەینێ چوارشەممە تەواوکەری مانگی ڕەمەزان دەبێت".
وەزارەتی ئەوقاف و کاروباری ئاینی حکومەتی هەرێمی کوردستان کەمێک پێش ئێستا ڕایگەیاند" سبەینێ چوارشەممە تەواوکاری مانگی ڕەمەزانی پیرۆزە و ڕۆژی پێنجشەممە ١٣ی ئایاری٢٠٢١ یەکەم ڕۆژی جەژنی ڕەمەزان دەبێت".
ئەوەش لەكاتێكدایە دیوانی وەقفی سونی عێراق و وڵاتی سعودیەش رایانگەیاند" ئەمڕۆ مانگی شەوال لەلایەن لیژنەکەیانەوە نەبینراوە، بۆیە سبەی چوارشەممە تەواوکاری مانگی رەمەزانە و رۆژی پێنجشەممە یەکەم رۆژی جەژنی رەمەزانە".