بەپێی زانیارییەکانی ماڵپەڕی (سپی)، ماوەی پێنج رۆژە باوک و کچێکی ئاوارە، کە دانیشتووی کەمپی چەمشکوی سەر بە ئیدارەی سەربەخۆی زاخۆن چارەنوسیان نادیار بوو، بەڵام شەوی ڕابردوو تەرمی باوکەکە لە لایەن هێزە ئەمنییەکان لەناو بیستانێکی نزیک کەمپەکە بە کوژراوی دۆزرایەوە و تائێستاش چارەنووسی کچەکەی دیار نییە.
هەر بەپێی زانیارییەکان، باوکەکە ناوی (فاروق میرزا)یە تەمەنی (٤٢) ساڵە و کچەکەی ناوی (ئاخین فاروق)ە تەمەنی شەش ساڵە، خەڵکی قەزای شەنگالن و لە دوای داگیرکردنی شارەکە لەلایەن داعشەوە هاتوونەتە زاخۆ.