ئاسایشی هەولێر رایدەگەیەنێت، باندێكی بارزگانیكردن بە ماددەی هۆشبەریان دەستگیركردووە.
بەڕێوەبەرایەتیی ئاسایشی هەولێر لە راگەیەنراوێكدا رایگەیاندووە "دوای كۆكردنەوەی زانیاری تەواو لەسەر چەند باندێكی بازرگانیكردن بە مادەی هۆشبەر لەلایەن تیمەكانمان و بەبڕیاری دادوەری لێكۆڵینەوەی ئاسایشی هەولێر، چوار لەئەندامانی باندێكی ماددەی هۆشبەر لەكاتی فرۆشتن و دابەشكردنی دەستگیركران".
راگەیەنراوەكە روونیكردۆتەوە "هەروەها لەكاتی دەستگیركردنی ئەندامانی ئەم باندانەدا دەستمان گرت بەسەر چەند چەكێكی بێ مۆڵەت و بڕێك ماددەی هۆشبەر لەجۆری (مەریجوانە و حشیش و كریستاڵ و هیرۆین) هەروەها دەستمان گرت بەسەر چەند كەلوپەلی بەكارهێنانی ماددەی هۆشبەر".