نێچیرڤان بارزانی دەشڵێت" پرسی مووچەی فەرمانبەران بابەتێک نییە لە بنەڕەتدا گفتوگۆی لەسەر بکرێت، مافی خەڵکی هەرێمە وەکو بەشێک لە هاوڵاتییانی عێراق کە دەبێت کێشەی مووچەی فەرمانبەرانی هەرێم بە زووترین کات چارەسەربکات".
لەسەر پرسی یەکگرتنەوەی هێزەکانی پێشمەرگە بارزانی وتی" ئەمریکا گلەیی گەورەی لە پارتی و یەکێتی هەیە کە دۆسیەی یەکگرتنەوەی ھێزی پێشمەرگە زۆر بە خاوی دەڕوات".
لەبارەی هەڕەشەکانی کۆماری ئێران بۆسەر هێزەکانی ڕۆژهەڵات، ئاماژەی بەوەکرد، ڕێککەوتنی ئەمنی لە نێوان بەغدا و تاراندا هەیە و هەرێمیش وەك بەشێك لە عێراق پێوەی پابەند دەبێت.
بارزانی هیواشی خواست ئەو بابەتە هیچ کێشەیەکی ئەمنی و سەربازیی لێنەکەوێتەوە و ڕاشیگەیاند" باوەڕناکەم هیچ بیانوویەك هەبێت و ئەنجامدانی کردەوەی سەربازی".