پاشنیوەڕۆی ئەمڕۆ پێنج شەممە بوومەلەرزەیەک لە نزیک سنووری عێراق و تورکیا لە پارێزگای دهۆک ڕوویدا.
بەڕێوەبەرایەتی گشتی كه‌شناسی و بومه‌له‌رزه‌ی سه‌ر به وه‌زاره‌تی گواستنه‌وه‌ی عێراق له ڕاگه‌یه‌ندراوێكدا بڵاویكردەوە" کاتژمێر (٢:٤١) خولەکی ئەمڕۆ بومه‌له‌رزه‌یه‌ك به‌گوڕی (٣.٤) پله‌ی پێوه‌ری رێخته‌ر و به دوری (٢٠) كیلۆمه‌تر له باكوری رۆژئاوای قه‌زای ئاكرێی سه‌ر به پارێزگای دهۆك و له نێوان هه‌ردوو سنوری عێراق و توركیا رویداووە".
ئاماژەی بەوەشکردووە، بوومه‌له‌رزه‌كه هیچ زیانێكی گیانی و ماددی نەبووە، به‌ڵام له‌لایه‌ن به‌شێك له هاوڵاتیانه‌وه هه‌ستی پێكراوه.
بەپێی ئامارێکی کەشناسی و بومەلەرزەی عێراق، لە ماوەی مانگی رابردووشدا (٢٣) بومەلەرزە لە ناوچە جیاجیاکانی عێراق و دەوروبەری روویانداوە.