هێزه‌كانی حکومەتی سووریا بەردەوامن لە پێشڕەویەکانیان لە سنوری پارێزگای ئیدلب و لە ئێستادا تەنیا پێنج كیلۆمه‌تر له شارۆچكه‌ی خان شه‌یخون دوورن.
له‌درێژه‌ی هه‌وڵه‌كانی هێزه‌كانی حکومەتی سوریا كۆنترۆڵكردنی دوا پێگەی هێزەکانی ئۆپۆزسیۆن کە پارێزگای به ئیدلبە، ناحیه‌ی حه‌بیتی سنووری حه‌ما و به‌رزایی سوقه‌یقیان كۆنترۆڵكرد و هه‌روه‌ها به‌رزایی ته‌لته‌ری-یان له گوندی كه‌فر عه‌ین كۆنترۆڵكرد كه خاڵێكی ستراتیژییه.
بەگوێرەی هەواڵی میدیا ناوخۆییەکانی ئەو وڵاتە له‌ئێستادا هێزه‌كانی ئەسەد له رۆژئاواوه نزیکەی پێنج كیلۆمه‌تر له شارۆچكه‌ی خان شه‌یخوونه‌وه دوورن و له رۆژهه‌ڵاتیشه‌وه 11 كیلۆمه‌تر لێی دوورن.