بەڕێوبەرایەتی گشتی تەندروستی گەرمیان هاووڵاتیان ئاگادار دەكاتەوە كە ناتوانن راستەوخۆ هاوكاری دارایی لەهاووڵاتیان وەربگرن.
بەڕێوەبەرایەتی گشتی تەندروستی گەرمیان لە ڕاگەیەنراوێكدا، كە وێنەیەكی دەست "سپی" كەوتووە ڕایگەیاندووە" هاووڵاتیان و بەخشەران ئاگاداردەكاتەوە، كە هیچ هاوكاریی و كۆمەكێكی دارایی و پارە نابێت بە ڕاستەوخۆیی بە ناوەندە تەندروستییەكان ببەخشرێن بە بێ ئاگاداركردنەوەی تەندروستی گەرمیان، چونكە ئەو كارە پێچەوانەی ڕێكارە یاسایی و كارگێڕی و ژمێریارییە فەرمیەكانە و كێشە و لێكەوتەی خراپی دەبێت".
ڕاشیگەیاندووە" هەموو هاوكاریەك بەپێی ڕێگەی ئسوڵی لە ڕێگەی تەندروستی گەرمیان و ئاگاداری ئیدارەی گەرمیان وەردەگیرێت بە پێی یاسا و رێنماییەكان و دەگەیەنرێتە دەزگا پەیوەندیدارەكان".
لە کۆتایی ڕاگەیەندراوەکەدا تەندروستی گەرمیان دەشڵێت" ھەر فەرمانبەرێكی تەندروستیش بە پێچەوانەی ئەو رێكارانەی كە لەسەرەوە باسكران، كۆمەك و پارە وەربگرێت، ڕووبەڕووی بەرپرسیارێتی و لێپێچینەوەی یاسایی دەبێتەوە".