خرۆشۆف بروسکەیەک دەکات بۆ نووسینگەی کینیدی و تیادا دەڵێت :

لەناوەڕاستی ئەو گوریسەی کە هەریەکەمان بە تەواوی هێزی خۆمانەوە سەرێکی ڕادەکێشین گرێیەک هەیە . هەتا من و تۆ توندتر ڕایبکێشین گرێکە توندتر و ئاڵۆزتردەبێت .حیکمەتی عەقڵ لەوەدایە با جارێ ئێمە لە ڕاکێشان خاوبینەوە ، ئەوساکە پێدەچێت کردنەوەی گرێکوێرەکەش ئاسانتربێت !

کینیدی ئەو پێشنیارە بە فرسەتێکی باش دەزانێت بۆ دەربازبوون لە مەترسیەکانی قەیرانەکە . بروسکە دەکاتەوە بۆ خرۆشۆف و دەنوسێت :

ئێمە بەتەواوی دەرکی پێشنیارو داواکاریەکەتان دەکەین . بەڵام مەرج نیە ، جێبەجێ کردنی وەک ئەوە بێت ئێوە داوای دەکەن . 

خرۆشۆڤ دەزانێت جێبەجێکردنەکەی مانای کشانەوەی رۆکێتەکانی سۆڤێیتە لە کوبادا و چارەسەریەکە لەوێوە دەست پێدەکات . بەڵام دەبێت بە دەستکەوتێکەوە بۆ سۆڤێیەت پاشەکشێ بکات . داوادەکات لەبەرانبەرکشانەوەی سۆڤێیەتیەکاندا دەبێت ئەمریکیەکان رۆکێتەکانیان لە تورکیادا بکشێننەوە . کینیدی بە داواکەی خرۆشۆف ڕازی دەبێت . مەترسی کارەساتی جەنگە جیهانیە ئەتۆمیەکە دەڕەوێتەوە .

لە ئێستادا قەیرانە سیاسیەکەی هەرێم لەو گوریس جەڕانە دەچێت کە هەتا توندی بکەیتەوە گرێکەی ناوەڕاستی ئالۆزتر و توندتر دەبێتەوە . ئێمە لەهەر سەرێکیانەوە لایەنگر و بەشداری راکێشانەکەبین ڕۆڵی یەکلاکەرەوە و چارەسەریمان پێ نابینرێت. باشترین هەڵبژاردە لەم کاتەد شلکردنەوە و خاوکردنەوەی ئەمسەروئەوسەری گوریسەکەیە بۆ ئەوەی ماڵوێرانیە سەرتاپاگیرکە ڕوونەدات ، بتوانرێت گرێکوێرەکە بکرێتەوە کە ئەسڵی جیاوازی و ناکۆکیەکانە . دەبێت هەردوو تەرەفیش دەرکی پێشنیار و داواکاریەکانی یەکتربکەن ئەگەر بەو مەرجانەش نەبێت کەلە جێبەجێکردندا جیاواز و ناکۆکیان دەکاتەوە .

هەندێک شەڕ هەیە هەر لەسەرەتاوە هەردوو تەرەف دەزانن کە هیچ لایەکیان ناتوانن بیبەنەوە . ئەم ناکۆکی یە سیاسیەی لە ئێستای هەرێمی کوردستاندایە هەرگیز ، هیچ لایەک بردنەوەی تیادا مسەوگەرناکات . بەڵام جۆرە بردنەوەیەکی تر هەیە کە کۆتایی هێنانە بە قەیران و گەڕانەوەی ئاشتی کۆمەڵایەتی و سیاسی یە . لەدواجاردا ئەمەش دەستکەوتە