(( شەرێک ناکەم نەیبەمەوە)) ئەمە دەقی وتەیەکی بەرێز نەوشیروان مستەفایە، کاتێک نیوەرۆیەک لەگردی زەرگەتە بووم چاوم بەهاورێی خۆشەویستم کاک هۆشیار عبداللەی پەرلەمانتار کەوت، وتی سەرێک بدە لەکاک نەوشیروان کەسی لانیە، بەندە چوە خزمەتی پیاوێک لەوردا لە کاروخ بەهێزتر، کاتێک گەیشتمە بەردەرگای دەهاتە دەر و دوو هاورێشم لەگەڵ بوو، پرسی دەنگ و باس چیە، وتم کاک نەوشیروان خەڵکت ئاوداوەتەوە، دوای قسەکردن وتی ((من شەرێک ناکەم نەیبەمەوە))، ئەم قسەیە رێک دوورۆژ دوای ٢٣ی حوزەیرانی ساڵی ٢٠١٥ بوو.

لەو کاتەدا بوو نیشتمان لە هەڵچونێکی گەرمی سیاسی دابوو، لەوێ دەسەڵاتێک دەیویست بۆئەبەد خۆی بکات بەخاوەنی هەموشتێ، لەوسەریشەوە بالۆرەی دیموکراسی و چەقەنەی شەرعیەت لەپەرلەمانەوە بکاتە بەهانەی حوکمی تاک رەوی دەسەڵاتی، ئەوکات تێگەیشتم کە ئەم پیاوە دەیەوێت لەبری چەک شەری قەڵەم و فیکربکات، ئەوکات تێگەیشتم کە ئەم پیاوە دەیەوێت وڵات بکات بە وڵاتێک شایستەی ئەوقوربانیەبێت کە گەلی کورد لە پێناویدا قوربانی گەورەی داوە.

کاک نەوشیروان شەری دیموکراسی بردەوە، ئەوشەرەی لە ٢٥ی تەمووزی ٢٠٠٩ توانی یەکەم دەورەی ئۆپۆزسیۆنی لەپەرلەمانی کوردستان، خستە خزمەت گەلەکەیەوە، ئەو کاتێک لە پەرلەمان لەرێگای دامەزراوە مەدەنیەکان یەکەم زەنگی هۆشیاری خستە هزری تاکی کورد، ئەودەم بانگەشەکەرانی دونیای دویموکراسی خەیاڵی کەوتنە دژایەتی ئەم بیرە هەرزوو کەوتنە لیدان لەپرۆژەی کاک نەوشیروان، بەڵام دواجار کاک نەوشیروان بەسەرکەوتوی و ئەوانیش بەدۆراوی بۆی دەرچون.

کاک نەوشیروان شەری داد پەروەری بردوە، ئەو پیاوەی کاتێک لەیەکەم هەنگاویدا دەرگای بەسەر خەڵکی جیاواز جیاوازدا کردوە، کە لەناو بزوتنەوەی گۆران لەکایە جۆراو جۆرەکانی بزوتنەوەی گۆراندا ئەسپی خۆیان تاوبدەن، بەشێک لەوانە بەروسوری توانیان دڵی ئاسودەکەن بەسەر کوتوی لێ دەربچن، بەشێکیشیان نەک هەر دەرنەچون بەڵکو سیخور و پیاوی ئەم و ئەو دەرچون و بەشێکیشیان کەوتنە داوی لەزات و ناز و نیعمەتی ژیان و ئەم پیاوەیان جێهێشت، بەڵام ئەم پیاوە لەگوڵ کاڵتری پێنەوتن، لەکاتێکدا ئەوانە بەبەر چاوی کەس و کار و کورەکانی کورە هەژارەکانی گەیاندە لوتکەی دەسەڵات، لەم شەری داد وەریەدا بەرووسوری بۆی دەرچوو لە کاتێکدا هاورێ و هاوسەنگەرانی دوێنێ و خەڵکی دەسەڵات داری ئەم هەرێمە کەهەزاران هەزار کەسیان لە ژێر ناوی داد وەریدا بەکوشداوە، کەچی ئەمڕۆ کورەکانیان و خزموکەسیان لە پلەی باڵان.

کاک نەوشیروان شەری یاساو یەکسانی بردوە، کاک نەوشیروان هەموو ئەوشەرانەی بردوە، کەزەمەنێکە خەباتی بۆدەکات، هەموو شەرێکی یاسای و یەکسانی نێوان خۆی و گەل، خۆی و لایەنەکانی بردوە، شەری نێوان خۆی گەلی بردوە بەوەی لەسەر بەڵێنەکانی سەردەمی شۆرش بەدەوام بوو، چۆن لەگەڵ هەژاراندا شۆرشی کرد، لەسەردەمی  حوکمرانی هەرێمیش لەگەڵ هەژاران و گەلدا ملی رێگای خەباتی گرت و تا لەپێناوی ئەوانیشدا کۆچی دوای کرد، هەرلەپێناوی گەلدا خەباتی مەدەنی کردە چەقی وەرگەرانی ژیانی سیاسی و ئیداری. هەر ئەوەش بوو وای کرد رووبەرووی تەنگ و چەڵەمی قورسی پیاوانی دەسەڵاتی دونیای خۆپەرستی ببێتەوە. بۆیە کاک نەوشیروان ئەم خەباتەی بردوە، بەوەی جیاوازی نێوان خۆی و خەڵکی هەژاری ئەم هەرێمەی نەدەکرد،

بردیەوە لە تەواوی لایەنەکانی تری ئەم هەرێمە چونکە هەموو پرۆژەو بەرنامەکانی کەخستەیە گۆرەپانی سیاسی و لەرێگای فراکسیۆنەکەیەوە لەپەرلەمان خرایە روو کەتەواوی بەرنامەکانی لەخزمەتی گەلدابوو، لەلایەن لایەنەکانی ترەوە دەکەوتنە دژایەتی و یان لەنیوەی رێگا لەپێناو بەرژەوەندی کەسی کۆتایین بە پرۆژەکە دەهێنا بەوەش کاک نەوشیروان شەرکەی بردوە لەهەموویان.

کاک نەوشیروان شەرەکانی بردەوە، ئەوکات جیهانی جێهێشت، کاک نەوشیروان دواجار توانی رووی روستەقینەی گەلێک مرۆڤ نیشانی خەڵکی کوردستان بدات، کۆمەڵێک بەنگەوازی گەورە و قەبە لەرەگەوە وشکیان بکات، تاقمە  مرۆڤێکی درۆزن دەست نیشانکات، بەتایبەتیش تەواوی حوکمرانی کوردی لە ٢٣ی حوزەیرانی لەرێگای بەسستم کردنی هەرێم لە ناوخۆی پەرلەمانی کوردستان خستە رۆژەڤە، لە ١٢ی ئۆکتۆبەر بەداخستنی پەرلەمان لەسەر دونیای بەرژەوەندی نیشانی هەمواندا. دواجار کاک نەوشیروان توانی دڵی هەژارانی ئەم وڵاتە بباتەوە، توانی وەک ئەوان بە ئارامی بژی.

لەمەو دوا رۆژگار شایەتی بۆ تۆدەدات چ شەرێکت بردۆتەوە، چۆن توانیوتە دوژمنانی دیموکراسی ئاوەدانی ببەزێنی، تۆ ئەوکاتەی نەوەیەک دەگەیەنیتە ئەوپەری ورە بەستەم کار دەڵێت نا و بە جەرائەتەوە دەوەستێتەوە، ئیدی تۆ براوەی ، کاتێک لە پێناوی دەنگێک ئەوان خەباتی رابردویان دەفرۆشنەوە بەگەلەکەیان و تۆش کاتێک لە پشتی هەموو روداوێکەوە وەستاویت و بەگەلەکەت دەڵێ خەباتی رابردوو بۆخزمەت کردنی ئەمرۆیە، کە بەبێدەنگی پاداشتی گەلت بدەیتەوە، ئەوە بردنەوەیە، نەوەک خەباتی دوێنێ بکرێتە پاراستۆڵی دوای هەموو ژەمەکانی خواردن، بۆبردنی بیرەنەوتەکان و داپۆشینی داگیرکاری کورسی خۆیان و ماڵ مناڵیان.

بۆیە لەورۆژەوە بەدیار ئەم وتەیەوە دەخولێمەوە، لەورۆژەوە دەزانم ئازادی لە هەناسەتدا گەورەدەبێ، یەکسانی بەقەت دووربینی تۆ گەشەدەکات و یەکسانی و داد پەروەریش لەباوشدا گەرەدەبن، ئیتر بەر لە رۆیشتنت وەک مناڵ هەتیون بەڵام پێان گرتوە، ئەستمە لەخۆڵەمێشدا بتلێنەوە. ماڵاوە رابەری رزگاری و ئازادی و داد پەروەری.